Super Eagles

Za a sayar da tikitin kallon wasan Super Eagles da Guinea Bissau kan naira 2000 da kuma 10000 a filin wasa na Moshood Abiola, Abuja, Najeriya.

Bayan Najeriya ta kara da Guinea Bissau ranar Juma'a za su sake fuskantar juna a Bissau ranar 27 ga watan Maris. Tawagar Najeriya za ta kara da ta Guinea Bissau a wasa na uku a rukunin farko ranar Juma'a a wasan neman shiga gasar kofin Afirka. Super Eagles ce ta daya a rukunin farko da maki shida, bayan da ta doke Saliyo da Sao Tome, ita kuwa Bissau tana ta biyu da maki hudu, bayan cin Sao Tome da canjaras da Saliyo.